【Emily】民主黨革扯梁翊婷 暫緩凍結李華明黨籍
[2022.02.17] 發表
【明報專訊】去年立法會選舉，民主黨副主席梁翊婷同黨員蘇逸恒以個人名義支持港島東參選人潘焯鴻，民主黨中委會噚晚通過，正式革除二人黨籍作處分。
至於民主黨元老李華明未經批准以個人名義幫社福界狄志遠站台，民主黨中委會上月裁定凍結佢嘅黨籍半年。李華明提出上訴，中委會決定暫緩凍結黨籍處分。李華明同Emily講，對此感到開心，認為中委會有聆聽佢嘅聲音，亦會繼續留喺民主黨。
民主黨主席羅健熙解釋，3人處分嘅分別基於佢哋對待黨內規章嘅態度。梁翊婷同蘇逸恒拒絕出席紀委聆訊同中委會會議，羅健熙批評佢哋對黨紀「不聞不問」、唔尊重，違規時更分別身為副主席同中委。佢表示，李華明一直配合紀委會調查，有出席紀律聆訊，亦願意出席中委會會議。中委會亦考慮到佢過去多年喺黨內貢獻，以及違規時只係普通黨員。
更多港聞
【明報專訊】本港新冠病毒疫情嚴峻，未知港區全國政協委員同人大代表3月初出席「兩會」會否有特別安排。now新聞報道，有政協及人代收到通知，必須...
詳情
【明報專訊】特首選舉3月27日舉行，九龍中立法會議員楊永杰聯同團體「希望種子」上月做調查，結果發現只有約6%受訪者正確回答到特首選舉日期，九...
詳情
【明報專訊】選委界立法會議員兼嶺大歷史系教授劉智鵬建議高中必修中史，教育局長楊潤雄昨書面回覆其提問稱「暫不考慮」，稱高中4核心科目去年改革，...
詳情
【明報專訊】新冠病毒確診數字屢創新高，多間大學建議學生遷離宿舍減風險。港大向宿生發信稱，最遲今天（17日）決定去留，選擇留宿者則須遵從校方一...
詳情
相關新聞
