【Emily】新家園伙中石化送抗疫包 基層收10個口罩
[2021.11.05] 發表
【明報專訊】疫情持續，市民戴口罩已接近兩年，對基層市民唔多唔少都係負擔，中石化同新家園協會噚日舉行活動啟動禮，向的士、小巴司機同基層市民送口罩，預料約10萬人受惠。公務員事務局長聶德權噚日出席活動，佢喺facebook乘機呼籲市民盡快接種新冠疫苗，又話近日接觸基層長者，對方話已經打針，希望政府快啲通關。
聶德權話感謝主辦機構中石化早前亦舉行疫苗抽獎帶動打針氣氛，又話不論係打針定社會關懷活動，佢都支持，感謝中資企業多同非政府機構合作，發揮企業社會責任。聶德權喺活動上同中聯辦經濟部副部長郭韶偉、兩個主辦單位代表等，向大約20個新家園基層會員及的士司機送上有口罩、餅乾等嘅抗疫包。持有新家園協會會員卡、的士同小巴司機，亦可去指定油站或地點，領取一包共10個口罩。
更多港聞
【明報專訊】天氣漸涼，海洋公園水上樂園推出優惠，由噚日起連續3個星期四嘅下午5點，推出4小時快閃限定門票優惠，成人同小童票價分別係208同1...
詳情
【明報專訊】昨日出版的中學文憑試（DSE）中文《試題專輯》2021指出，今年考生寫作時口語入文情况較往年嚴重，如「入面」、「仲有」、「爆哭」...
詳情
相關新聞
