【Emily】海洋公園推快閃票 208蚊玩水上樂園
[2021.11.05] 發表
【明報專訊】天氣漸涼，海洋公園水上樂園推出優惠，由噚日起連續3個星期四嘅下午5點，推出4小時快閃限定門票優惠，成人同小童票價分別係208同146蚊，售完即止。持有快閃門票嘅市民可以喺指定日子，下晝兩點後入去玩。
天氣涼 樂園話有恒溫裝置
海洋公園話優惠門票數量有限，有興趣嘅市民要密切留意公園社交平台嘅最新動態喇！至於水上樂園門票動態價格，收費會由11月22號至12月5號期間，將低至成人280蚊同小童200蚊，詳情可以參閱水上樂園官方網站。
海洋公園又話，水上樂園設有一系列恆溫裝置，配合多個安裝喺室外排隊位嘅暖燈，市民可以一年四季、任何時間入場。遊客亦可到園內餐飲地點品嘗漢堡包、拉麵、海鮮喇沙等食物，玩到攰時補充能量。
更多港聞
【明報專訊】昨日出版的中學文憑試（DSE）中文《試題專輯》2021指出，今年考生寫作時口語入文情况較往年嚴重，如「入面」、「仲有」、「爆哭」...
詳情
【明報專訊】適齡學生人口下降及移民潮影響學校收生，本學年兩間公營中學僅開辦一班中一，須向局方申請學校發展方案以繼續營辦。閩僑中學是其中一校，...
詳情
相關新聞
