【Emily】立會任期就完 黃國健開議辦
[2021.10.25] 發表
【明報專訊】今屆立法會星期六(30日)就會中止運作，議員任期去到12月底，過去一直表明會退下火線嘅工聯會立法會議員黃國健，近日就喺觀塘樂華北邨開設議員辦事處，噚日舉辦議員辦事處開幕暨嘉年華，署理特首李家超、中聯辦九龍工作部副部長祝小東等亦到場支持。唔通黃國健有意爭取連任，所以𠵱家動作多多？黃國健就重申，自己喺火線已經十幾年，想退休好耐，但最終要睇工聯會決定，理事會本月底會開會商討。
對於任期就完先開辦事處，黃國健話，即使自己下屆唔再擔任立法會議員，但工聯會仍然會有人接班，佢希望辦事處嘅服務可以持續落去。
去年本來係換屆選舉時，工聯會喺九龍東報名名單上排首位嘅係工聯會九龍東總幹事鄧家彪，黃國健排第三「抬轎」。而鄧家彪過去一年亦積極喺九東落區工作。近日有傳黃國健或被徵召出山再戰，政圈預料即使黃國健要參選，都會轉戰選委會界別。
更多港聞
VR「登」黃山 教小學生寫景 港大團隊建平台教中文 擬擴至英文常識科
【明報專訊】虛擬實境（VR）技術盛行，但配合學校課程的VR教件不多。港大教育學院助理教授黃家偉的團隊2017年起與18間小學的教師合作，結合... 詳情
相關新聞
