【Emily】徐英偉沙田落區 遇黨友獻計谷針
[2021.09.14] 發表
【明報專訊】民建聯沙田支部噚日發新聞稿，話佢哋去恆安社區會堂睇場時巧遇黨友、到場視察嘅民政事務局長徐英偉，局長仲探埋上緊跳舞班嘅朋友仔。民記成員即刻向局長提建議，包括針對長者接種新冠疫苗比例不高，建議喺小社區搞打針活動，方便長者。
提議接種中心選址恆安
該黨沙田支部副主席李世榮同Emily講，佢認為恆安社區會堂係合適地方畀附近長者接種新冠疫苗，因為恆安係馬鞍山第一條邨，周邊居民唔少係長者，場地亦做過檢測站。佢話大家喺現場都有研究搞長者打針專場，但相信局長都要返去同其他官員商討係咪適合。民記引述徐英偉話，認同喺社區搞疫苗接種活動，方便老友記。
近日有傳聞指政府擬收回區議會「社區參與計劃」撥款，民記沙田支部成員都向局長表達支持；仲建議新成立一個由地區持份者如分區會、滅罪會、防火會、法團主席等代表共同參與嘅「地區督導委員會」去統籌管理呢筆撥款，以喺運用上體現地區居民聲音。
更多港聞
首批全日面授 料遇人手困難 更多年級恢復全日課 教師難兼顧半日課程
【明報專訊】自疫情停課以來一年多，首次有同一班學生回校返全日學。地利亞修女紀念學校（協和）教師與中六生的新冠疫苗接種率均逾七成，成首間打針比... 詳情
【明報專訊】向農作物噴灑殺蟲劑時，液滴（droplet）會彈走，只有小量能黏附在葉面，影響滅蟲成效。香港大學工程學院機械工程系團隊研究出一種...
詳情
相關新聞
