【Emily】公務員學院車位少 關觀塘塞車事
[2021.08.24] 發表
【明報專訊】公務員學院選址喺出名成日塞車嘅觀塘，以「一地多用」模式興建。立法會公務員及資助機構員工事務委員會噚日討論項目，公務員事務局長聶德權話爭取本立法年度獲通過，目標係下年盡早動工，5至6年內陸續完成。根據立法會文件，項目需要約45.4億元，除咗公務員學院，亦設公務員診所及政府牙科診所、地區康健中心、殘疾藝術家藝術廊等設施。
項目地庫設附屬停車場，有65個泊車位，公眾停車場就有約70個車位。建測規園界議員謝偉銓關注點解得咁少泊車位，公務員事務局常任秘書長楊何蓓茵話：「喺我哋經驗中，公務員多數用公共交通工具。」又話觀塘交通比較繁忙，如果太多公務員同事揸車去，該區道路就更加擠塞。
聶德權話檢視有冇修改空間
其他議員都有類似考慮。民建聯梁志祥話該處有基層醫療中心，除咗公務員上堂外，亦多人去。聶德權最終話會返去再睇睇車位數目、檢視有冇空間修改，喺工務小組會再交代。
更多港聞
【Emily】G6見林鄭 陳健波倡中學開Gym房
【明報專訊】東京奧運令港人對體育多咗關注，保險界議員陳健波噚日向特首林鄭月娥提交對《施政報告》嘅建議中，唔少係希望政府鼓勵市民多做運動，例如... 詳情
【明報專訊】社民連陳皓桓（Figo）早前因承認組織、參與和煽惑他人參與未經批准集結等罪，判囚18個月，佢表現樂觀，透過社交媒體專頁話「有件好...
詳情
【明報專訊】「流亡」美國嘅青年新政前召集人梁頌恆2016年被褫奪立法會議員資格後，因拖欠立法會93萬元薪津，今年1月被高等法院頒令破產，不過...
詳情
相關新聞
