【Emily】梁頌恆「流亡」 破產令變「無了期」
[2021.08.24] 發表
【明報專訊】「流亡」美國嘅青年新政前召集人梁頌恆2016年被褫奪立法會議員資格後，因拖欠立法會93萬元薪津，今年1月被高等法院頒令破產，不過佢之後一直無出席同破產管理署嘅會面，高院噚日向佢頒下「不開始令」，暫緩計算破產令嘅開始日期，變相解除破產令嘅時間亦會推後。
高院頒「不開始令」
根據《破產條例》第30A和30AB條，破產人如果同受託人充分合作，喺法庭頒令4年後，破產令就會解除。不過，如果受託人要求破產人就產業管理出席初次會面，但破產人冇出席，受託人就可以向法庭申請「不開始令」。
2016年立法會宣誓風波，梁頌恆同游蕙禎一齊被褫奪議員資格，法庭之後下令佢哋要向立法會行管會交還超過186萬元薪酬津貼，包括議員酬金同行管會預支嘅營運資金，行管會及後向梁頌恆提出破產呈請。
更多港聞
相關新聞
