【Emily】般咸道官小 「傅科擺」防空洞吸睛
[2021.08.23] 發表
【明報專訊】政府喺上月宣布將港島般咸道官立小學校舍列為法定古蹟，發展局長黃偉綸噚日發表網誌介紹佢嘅建築特色。佢話呢幢建築物有80年歷史，昔日係香港首間全日制師範學院「羅富國師範學院」嘅舊校舍，至今主樓正門入口仍隱約見到昔日「羅富國師範學院」英文名稱嘅痕迹；至於大樓內嘅「傅科擺」，係學校興建時安裝嘅天文裝置，以證明地球自轉，亦成為學校歷史印記。黃偉綸話，呢個天文裝置，除咗令同學對物理興趣增加，亦好像一個圖騰，成為校方悉心保存嘅校內文物。
80年歷史 曾係日本憲兵總部
般咸道校舍建於1940至41年，日治時期校舍畀日本憲兵用作總部，1946年3月羅富國師範學院重開。校舍喺2000年1月起成為般咸道官立小學校舍。
古物古蹟辦事處執行秘書蕭麗娟介紹話，般咸道官立小學校舍主樓高3層，以混凝土建造，另建有地庫，建築物最富特色嘅係面向般咸道嘅弧形外牆連中央旋轉樓梯；校舍主樓興建時，地庫設有兩個防空洞，各有氣閘，可作為逃生出口，𠵱家已經變成圖書館和活動室。蕭麗娟形容，呢種防空洞設計喺香港現存嘅歷史建築之中頗為罕見。
更多港聞
【Emily】同黨友大談湊仔經 羅健熙：我未諗生仔
【明報專訊】民主黨主席羅健熙喺YouTube Channel同黨友徐遠華大談湊仔經，不過其實阿熙仲未結婚，亦笑言未有生仔打算，不過都用自己細... 詳情
【明報專訊】士美菲路兒童遊樂場只得兩個搖搖木馬，中西區議員彭家浩上年喺區議會遞交咗文件，要求部門翻新場地，最重要係翻新時需以「地方營造」模式...
詳情
相關新聞
