【Emily】審查參選人 李家超：考慮清單以外行為
[2021.07.16] 發表
【明報專訊】李家超升任政務司長後，仲做埋候選人資格審查委員會主席。佢接受《環球時報》訪問，重申會確保冇人可以偽裝成「擁護」、「效忠」，偽裝成「愛國者」入閘參選。政府已修訂《釋義及通則條例》列出「負面清單」，列明不符擁護《基本法》、效忠特區嘅行為，李家超喺訪問中就話，清單以外嘅行為都會考量。咁係指咩情况？佢話如果將所有情况講明，咁偽裝嘅「愛國者」就可能鑽漏洞逃避審查，所以有啲內容不便公開。
李家超喺訪問中強調，判斷一個人係咪真誠地擁護基本法、效忠特區，除條例中列明嘅客觀標準外，仲要綜合考慮其他情况，即係話資審委可以不限於本地條例規定嘅內容，考量清單以外嘅行為，通過討論做出決定。
至於有咩工作確保未來3場選舉順利舉行，佢話會事先做全面風險評估，喺選前及選舉當日派大量執法人員高調巡邏，仲會加強監控網上資訊。
更多港聞
【Emily】年報《香港2020》 四成講疫情 話去年有9750次集會遊行
【明報專訊】政府最新一期年報《香港2020》出版，Emily發現，全年大事記錄咗100多日發生嘅事，當中約四成同疫情有關；本港去年幾乎全年被... 詳情
【明報專訊】特首林鄭月娥噚日到立法會出席答問會，議員提問時亦藉機表達意見，不過實政圓桌田北辰（田二少）可能長氣咗少少，一連提出兩點都未問到問...
詳情
【明報專訊】嶺南大學昨（15日）向師生發電郵，表示停止代收學生會費，是第5間宣布類似措施的大學。校方解釋，近年收到學生、家長及市民對校外會費...
詳情
相關新聞
