【Emily】唔等政府DQ 單仲偕辭區會主席
[2021.06.11] 發表
【明報專訊】民主黨單仲偕上月底因前年「10．1遊行案」判囚14個月、緩刑兩年，根據《區議會條例》會失去區議員資格。單仲偕本身係葵青區議會主席，Emily噚日翻查葵青區議會網頁，發現已經冇咗「主席」，單仲偕變番區議員，原來佢為咗減低震盪、等區議會盡快選出新主席，早前已經辭去區議會主席一職。
盼減區會震盪 盡快選新主席
單仲偕向Emily解釋，辭去主席主要係技術原因，因為佢理論上喺上個月就案件認罪後已唔再係區議員，但政府刊憲DQ需時，下個月又有區議會大會，現時既唔可以話佢唔係主席、但到時又唔知搵唔搵佢主持會議好，為免法律麻煩，佢決定辭去主席職務，希望下月區議會大會盡快選出主席。
單仲偕近日就分批請區議員食飯話別。有冇聽聞新主席人選？佢就話唔評論啦，不過都希望一眾區議員工作順利、快啲搵到佢嘅接班人，等未來區議會運作順利啦。
梁志成梁靜珊政治聯繫改獨立
另外，Emily睇葵青區議會網頁，亦發現本身係街工嘅梁志成、梁靜珊，分別將政治聯繫改為「獨立」同無政治聯繫，翻查資料，梁志成早前曾喺facebook話退出街工。
更多港聞
【Emily】何啟明保釋有糭派 街坊：咁要拉多啲
【明報專訊】端午節將至，近日唔少區議員都忙於派糭畀街坊，增添節日氣氛。深水埗區議員、民協何啟明早前因民主派初選案被控顛覆國家政權罪，早前獲准... 詳情
執教通識26年 冀前線教師堅持專業 教協張銳輝提早退休放下教鞭
【明報專訊】2012年起出任教協理事、執教鞭近30年資深通識科教師張銳輝將退下前線，52歲的他「提早退休」。張銳輝昨向本報稱離開主要是個人原... 詳情
【明報專訊】中學文憑試（DSE）報考人數近年持續下跌，報讀內地院校DSE考生人數則連升4年，是2012年首屆DSE以來新高。「內地高校招收香...
詳情
相關新聞
