【Emily】何啟明保釋有糭派 街坊：咁要拉多啲
[2021.06.11] 發表
【明報專訊】端午節將至，近日唔少區議員都忙於派糭畀街坊，增添節日氣氛。深水埗區議員、民協何啟明早前因民主派初選案被控顛覆國家政權罪，早前獲准保釋，佢噚日喺facebook分享派糭期間嘅有趣對話。話說有老友記問佢「今年拉咗都仲有糭派呀？」何啟明就話仲有口罩送添，老友記就話「咁好呀，咁要拉多啲啦！」
何啟明聽到後心裏一沉，就問佢「點解你要咁對我呀！放出嚟先有得繼續派㗎」，老友記就話查實佢都係講笑，都想何啟明平平安安呀。
袁嘉蔚：淚與燭淚 為一些人而流
另一邊廂，因民主派初選案還押、其後因六四集結案判囚4個月嘅南區前區議員袁嘉蔚，就喺獄中寫信，自言因六四案被囚，維園亦禁止舉辦悼念晚會，「心裏多少有唏噓，哪裏有心，那裏就有燭光」、「淚與燭淚，為一些人而流，為滿滿惡念的世界而流」。
民主黨李永達噚日去荔枝角收押所探望還押嘅黨友胡志偉，阿達話大家談天說地，咩都講，「志偉心理質素好好，既來之則安之。大家努力」。
更多港聞
執教通識26年 冀前線教師堅持專業 教協張銳輝提早退休放下教鞭
【明報專訊】2012年起出任教協理事、執教鞭近30年資深通識科教師張銳輝將退下前線，52歲的他「提早退休」。張銳輝昨向本報稱離開主要是個人原... 詳情
【明報專訊】中學文憑試（DSE）報考人數近年持續下跌，報讀內地院校DSE考生人數則連升4年，是2012年首屆DSE以來新高。「內地高校招收香...
詳情
相關新聞
