【Emily】應屆DSE考生 7.7%話「一定會打針」
[2021.05.31] 發表
【明報專訊】中學文憑試(DSE)結束，今屆考生除咗要諗升學路向，仲要考慮埋會唔會接種新冠疫苗。團體「青年新世界」上星期五(28日)透過電話問卷，訪問咗458名應屆DSE考生，4.4%話已打針，7.7%話一定會打，42.5％就話可能會。打算或考慮打針嘅受訪學生中，56.5%話傾向接種復必泰疫苗，傾向接種科興疫苗嘅就有24.1%。
逾六成寧願定期檢測
早前有幾間大學公布規定學生打針或每兩周檢測，如果唔係就無得住Hall，甚至無得返學上堂。唔知準大學生又點睇？調查顯示，支持同反對都係一半半，以反對略多，有49.6%；逾六成人話會選擇定期檢測。至於點解唔打針，最多人(74.9%)話擔心疫苗有嚴重副作用。
團體發現，較多受訪者傾向覺得如果打針後可方便外遊，會增加打針意欲，建議政府加強同周邊地區包括受年輕人歡迎嘅外遊地點，建立「旅遊氣泡」措施，等年輕人憑「疫苗護照」減少外遊同返港嘅防疫限制。
更多港聞
【明報專訊】自2019年後，警方噚日再辦「警察招募體驗日」，全日1653人參加，192人即場投考見習督察，540人投考警員，22人投考輔警警...
詳情
教局指引出台 「涉國安無可爭辯空間」 教師傳真相30年 今年課堂不教六四
【明報專訊】國安教育指引出台，當中指明「涉及國家安全的議題沒有爭辯或妥協的空間」，而多名教師因社會事件被投訴、懲處，而較多機會談及六四事件的... 詳情
【明報專訊】六四事件32周年，現時本港中學課程只有兩科觸及六四內容，包括初中、高中的中史，以及高中通識教育科。兩科教科書目前仍有描述六四的內...
詳情
相關新聞
