【Emily】海事博物館月中兩日免費 展港首份中文報
[2021.05.06] 發表
【明報專訊】為慶祝國際博物館日，香港海事博物館喺今個月15號同16號會免費開放畀公眾參觀，到時館內會舉行以燈塔為主題嘅特備節目《夜航明燈——香港港口與燈塔》，仲有「燈塔記憶」系列紀錄片放映。今次免費開放設有特別展覽「水手物語：航海時尚風潮」，到時可以同館長傾吓偈。展覽以歷史文獻同埋創意媒體作品回顧香港嘅海洋發展史，部分展品更係首次喺香港公開展出。
首次喺香港展出嘅展品包括《遐邇貫珍》日本珍藏嘅高清複本。《遐邇貫珍》係香港第一份中文報章，每期只印3000份，日本江戶幕府末年，當地精英分子都爭相閱讀，但買唔到印本而以傳抄本發行流通。1856年最後一期就圖文並茂報道西方工業革命嘅產物，「燈塔」一詞亦喺呢個時候開始喺香港同華人社會傳播。想知更多展覽詳情，可以去海事博物館網站了解吓。
更多港聞
【明報專訊】「公民與社會發展科」新學年中四起逐步取代通識教育，惟目前未有課程指引及教科書。教育局昨稱正與考評局編訂「課程及評估指引」，又承諾...
詳情
【明報專訊】反修例事件下，有指警務人員或其子女於公營醫療機構或校內，遇上不公平對待或被欺凌。教育局與食物及衛生局昨日回覆立法會議員查詢稱，截...
詳情
相關新聞
