【Emily】主教山配水庫擬年內有限度開放
[2021.05.06] 發表
【明報專訊】深水埗主教山配水庫早前幾乎被拆卸，古諮會今年3月通過將呢個有百多年歷史嘅配水庫評為擬議一級歷史建築，商經局長邱騰華噚日喺立法會大會回應議員質詢，佢話政府目標喺今年稍後有限度開放配水庫畀市民參觀，長遠保育同活化方案仍然構思緊。佢又話，當配水庫發展為成熟嘅旅遊景點時，旅遊事務署會考慮將佢納入「城市景昔」項目之中，利用「增強實景技術」，重現配水庫嘅歷史面貌。
旅遊界議員姚思榮關注配水庫係咪可以發展古蹟旅遊，經民聯梁美芬就問政府會唔會參考日本嘅儲水庫，將主教山配水庫發展成電影場景。邱騰華話古蹟或文物唔一定能夠成為旅遊景點，如果唔可以突出特色，最多只會淪為打卡地點。
政府認為長遠待配水庫嘅保育同活化工作完成、可以開放畀遊人到訪時，旅發局會配合推廣，包括透過「香港．大城小區——深水埗」項目宣傳，進一步提升旅客體驗。
更多港聞
【明報專訊】「公民與社會發展科」新學年中四起逐步取代通識教育，惟目前未有課程指引及教科書。教育局昨稱正與考評局編訂「課程及評估指引」，又承諾...
詳情
【明報專訊】反修例事件下，有指警務人員或其子女於公營醫療機構或校內，遇上不公平對待或被欺凌。教育局與食物及衛生局昨日回覆立法會議員查詢稱，截...
詳情
相關新聞
