【Emily】黃文萱退公民黨 未打算宣誓
[2021.05.01] 發表
【明報專訊】公民黨再有區議員退黨，沙田區議員黃文萱噚日喺fb表示日前已退出公民黨，亦未有打算喺立法會通過宣誓修例後「完成政府僭建的聲明要求」。文萱向Emily透露，自己約一兩星期前退黨，主因係希望另謀出路，亦希望減低之後所講嘅嘢對公民黨員嘅影響。佢話應該會辭職，但亦希望履行責任，做到最後一刻，又話「我知道公民黨同樣在轉型中，相信未來定必會在光復路上再聚」。
文萱喺fb話，宣誓修例係要肅清「唔聽話」嘅區議員，亦為所有區議員下「緊箍咒」，佢自言辦事處內嘅文宣，除咗將「光復香港，時代革命」旗幟反轉倒向掛，基本上都無拆除，對宣誓不存僥倖之心，亦不願委曲求全。文萱話上任後體現到體制內能作為嘅空間已極小，佢認為剩低嘅功課，應該係探索體制外嘅空間。
更多港聞
【明報專訊】建制派謝偉俊近日頻頻喺修改選舉制度嘅立法會法案委員會提問，噚日喺會上就問到，當局預計日後選票尺寸比以往細，所以就喺條例提到唔需要...
詳情
【Emily】鄒家成獄中畫自嘲熊 Gary畫高達渣古
【明報專訊】民主派初選案36人已還押兩月，勝出新東初選嘅鄒家成，日前由獄中寄出畫作。佢畫咗近日年輕人之間非常流行嘅「自嘲熊（jokebear... 詳情相關新聞
