【Emily】智慧燈柱推網站 搞虛擬展覽
[2021.04.01] 發表
【明報專訊】智慧燈柱喺2019年中啟動時惹嚟監控疑雲，政府及後成立技術諮詢專責委員會，委員會上年3月呈交嘅報告其中一個建議政府要搞多啲活動、展覽，多同公眾接觸溝通，介紹智慧燈柱上面應用嘅技術。事隔一年，資科辦噚日推出咗智慧燈柱專題網站做「虛擬展覽」，以「智慧燈柱 照亮未來」為主題。網站入面真係有個攤位畀你撳，可以「行去」唔同區睇燈柱上嘅裝置，例如交通資訊區中有收集交通數據嘅熱能探測器、光學雷達等，每個配件逐一介紹，仲有短片講解。
另外，網站入面仲有智慧燈柱3D模型，參照實物設計，市民可以用滑鼠360度旋轉燈柱嚟睇；網站入面仲有小遊戲，係砌圖同配對，適合小朋友玩。
更多港聞
【Emily】國安教育日 懲教入境表演中式步操
【明報專訊】《港區國安法》實施後，今年4月15日嘅「全民國家安全教育日」首次由特區國安委主辦，宣傳鋪天蓋地，仲開埋網站同facebook；活... 詳情
【Emily】問責班子民記佔6 張進樂任民局政助
政府噚日公布委任民建聯成員、民政事務局研究主任張進樂（Gordon）擔任民政事務局長政治助理，今日履新。現時喺問責班子中，民建聯成員增至6人... 詳情
相關新聞
