【Emily】國安教育日 懲教入境表演中式步操
[2021.04.01] 發表
【明報專訊】《港區國安法》實施後，今年4月15日嘅「全民國家安全教育日」首次由特區國安委主辦，宣傳鋪天蓋地，仲開埋網站同facebook；活動比以前加碼，5個紀律部隊訓練學校都會開放參觀，懲教署職員訓練院同入境事務學院就喺網頁表明，到時有中式步操表演。
今年全民國安教育日以「國家安全 護我家園」為主題，Emily發現佢哋開咗fb專頁，截至噚晚有300幾個「讚好」。專頁並出帖分享國家主席習近平喺中央國家安全委員會第一次會議首次提出嘅「總體國家安全觀」，話習主席提出嘅總體國家安全觀的指導思想，突破咗一般理解嘅傳統安全領域。
除咗主題講座、教育展覽等，5個紀律部隊訓練學校會開放。香港警察學院到時有大匯演同反恐演練示範，展示唔同裝備，唔知向來神秘嘅警方國家安全處又會唔會有代表講吓日常工作？
「全民國安．家安．同心匯—全民同心大拼圖活動」則邀請市民以自拍或自選相片印成貼紙，拼湊成大圖畫，幼稚園同小學都會有呢個活動。官方網頁形容活動「可以凝聚全港市民為國家，為家園同心一致」。
更多港聞
【Emily】問責班子民記佔6 張進樂任民局政助
政府噚日公布委任民建聯成員、民政事務局研究主任張進樂（Gordon）擔任民政事務局長政治助理，今日履新。現時喺問責班子中，民建聯成員增至6人... 詳情
相關新聞
