【Emily】湯家驊點名民主黨有機會「跑出」
[2021.03.26] 發表
【明報專訊】人大修改香港選舉制度，外界關注日後民主派仲可唔可以「入閘」參選。行政會議成員、資深大律師湯家驊噚日喺《文匯報》嘅訪問，話香港要有忠誠民主派，點名民主黨「有機會為香港爭取民主發展而走上成功道路」，雖然湯家驊話佢讚民主黨可能係「害咗」民主黨，但認為只係實話實說。
湯家驊認為，如果有人話「完善」選舉制度係「收窄民主派參政空間」，係對民主派唔公平。佢又引述民主黨主席羅健熙話，民主黨唔抗拒同中央溝通，只係暫時「唔係時候」。湯家驊就認為，民主黨有比較堅實嘅政治理念，願意喺「一國兩制」下同國家溝通，透露最近同民主黨元老傾偈時，對方都話民主黨嘅黨綱冇變，都係喺「一國兩制」下爭取民主發展。湯家驊話喺本港民主派中，民主黨有機會「跑出」。
更多港聞
【Emily】13地點推「城市景昔」 AR穿越睇歷史圖像
【明報專訊】疫情下市民仲未可以出外旅遊，政府就話會為旅客重臨做好準備。旅遊事務署噚日推出「城市景昔」項目，喺中環、尖沙嘴13個指定地點，利用... 詳情
【Emily】區議員張國昌 家庭原因退出民主黨
【明報專訊】東區區議員張國昌退出民主黨，佢回覆查詢時話，係因為家庭原因退黨，被問係咪同《港區國安法》或區議員宣誓有關，佢話冇補充。張國昌退黨... 詳情
相關新聞
