【Emily】泛民要求點人數 兩次打斷發言 李慧琼酌情畀何君堯講埋先

立法會噚日召開大會，民主派議員多次要求點人數，大會喺下晝兩點幾因法定人數不足而流會。圖為民主派議員離開晒會議廳，僅餘佢哋準備嘅道具、諷刺保安局長李家超嘅紙牌。（李紹昌攝）

【明報專訊】立法會噚日召開大會，建制派何君堯提出口頭質詢，點知民主黨議員要求點算法定人數，一條問題分別被兩次打斷。首次點人數後，何君堯要求重新計時被拒，佢就從頭讀過條問題，點知民主黨林卓廷中途再要求點人數，代主席李慧琼罕有運用酌情權，解釋已經喺短時間內點過一次，於是容許何君堯完成問題後先處理，但做法被民主黨許智峯質疑違反《基本法》同《議事規則》。立法會大會最終喺下晝兩點幾因法定人數不足而流會。

邵家輝求飯break 林卓廷贊成

自由黨邵家輝就話民主派係咁點人數，搞到一餐飯都要分開幾次食，認為主席要公道啲畀時間議員食飯，慨嘆「日日都唔畀人食飯」。林卓廷贊成建議，兩人仲喺會議廳外互相問候大家食飯未。

立法會噚日大約6點半休會，立法會主席梁君彥話噚日開會約7小時，但用咗接近3小時點算法定人數，流會則耗時個幾鐘。佢警告情况如果持續，會運用權力限制議員發言，仲話議員噚日「軀體同靈魂都未必喺議事廳」，決定提早休會。

更多港聞

【Emily】去慶回歸惹質疑 趙家賢：為監察撥款

【明報專訊】區議會過往每年都會撥款舉行慶回歸活動，黃之鋒喺facebook上載圖片，顯示周一（2日）喺東區慶祝國慶71年青少年大匯演活動嘅請... 詳情

【Emily】陳克勤請黨友食小籠包 真肉素肉難分

【明報專訊】民建聯立法會議員陳克勤搵咗9個黨友做測試，請佢哋試食小籠包，睇吓分唔分得出真豬肉同素肉（植物肉），結果黃定光（象哥）同鄭泳舜都估... 詳情

【Emily】泰博食晏用外賣膠盒 黨友籲改陋習

【明報專訊】立法會大會舉行之日，唔少議員都會買外賣留喺立法會大樓內食飯。熱血公民鄭松泰（泰博）噚日上載咗一張食晏相上facebook，只見泰... 詳情

【Emily】區會贊助「光復盃」電競賽 被投訴涉港獨 民政研拒撥款

【明報專訊】九龍城區議會早前撥款贊助舉行「光復盃九龍城區電子競技」，比賽上月舉辦完後，區議會主席蕭亮聲上周五收到民政事務總署信件，話收到地區... 詳情

DSE通識問新聞自由 評卷參考提國安 兩難情境題 指可作監察亦需顧私隱公共秩序

【明報專訊】今年中學文憑試（DSE）通識科卷一有試題關於新聞自由，要求考生「指出兩個新聞自由與社會責任之間可能出現的兩難情境」。考評局昨出版... 詳情