【Emily】前區議員為清潔工長者打流感針
[2020.10.26] 發表
【明報專訊】合資格市民可獲政府資助接種流感疫苗，但今年疫苗供應有啲緊張。前區議員、劍苗醫療負責人黃卓健噚日到大角嘴，與同事幫近400名清潔工長者打流感針。黃卓健話機構今年3、4月已買定一批疫苗，所以𠵱家「一針難求」亦唔使煩，亦唔會向長者額外收費，佢話下一步計劃為居於偏遠地區，例如大嶼山、大澳等長者打針。
黃卓健同Emily講，打針嘅清潔工中，超過一半屬南亞裔，唔識廣東話或英文，噚日要靠翻譯協助登記身體狀况，所花時間較喺診所注射多兩三倍。佢亦留意到噚日有約七成清潔工未打過流感針，話情况值得關注，因為從事清潔工作嘅長者易受感染。
更多港聞
相關新聞
