【Emily】阿舜線上跑阿姆斯特丹馬拉松
[2020.10.26] 發表
【明報專訊】疫情下好多大型體育活動要改變模式，民建聯鄭泳舜參加咗阿姆斯特丹馬拉松，同世界各地健兒一齊線上跑，鄭泳舜設計咗圍住西九龍區跑一圈嘅21K半馬跑，前日朝早用咗2小時20分完成。佢話做咗議員後，近兩年少咗參賽，時間慢咗，之前個人最佳紀錄係1小時59分。
阿舜話近排唔少人參加各地嘅線上跑，佢畀咗20歐元報名參加阿姆斯特丹賽事，話活動有趣之處係可自訂路線，各地跑手線上參加，佢就諗咗圍住西九嘅賽道，前日朝早近7點交通唔太繁忙時，同幾名朋友一齊起步，仲話耐無參賽，尾段都辛苦，靠大家互相打氣堅持，跑完要用冰敷腳。
阿舜又話，年初報咗名去沖繩參加賽跑，但突然發生鑽石公主號郵輪爆疫，結果佢飛咗去日本，但係去協助滯留船上港人，無得去長跑。
更多港聞
相關新聞
