【Emily】#save12hkyouths 阿廷碧雲完成鄒家成挑戰 block咗對方 留言通知做咗
[2020.10.19] 發表
【明報專訊】12港人被指涉潛逃台灣，扣留內地至今近兩個月，近日社交媒體出現一項挑戰，接受挑戰者要上載同「#save12hkyouths」呢句話嘅合照，然後標註另外3人完成挑戰。Emily發現，早前就議員延任問題同民主派隔空激辯嘅抗爭派鄒家成，喺fb標註咗公民黨楊岳橋、民主黨林卓廷同黃碧雲，其後林卓廷同黃碧雲先後完成挑戰，有網民喺鄒家成個post下面留言，話「林卓廷block左(咗)你」；其後林卓廷留言話「我做左(咗)啦」。
寫#save12hkyouths自拍上載
今次行動由「香港監察」創辦人羅傑斯(Benedict Rogers)發起，希望呼籲國際社會關注12港人，接受挑戰者包括「環保少女」通貝里(Greta Thunberg)、藝術家巴丟草等。
通貝里巴丟草接受挑戰
早前討論立法會議員延任與否問題時，黃碧雲一度話如果撤出議會，就無法用議員身分幫助家屬，佢其後道歉同收回言論，鄒家成其時就反問黃碧雲「請問鄒家成有冇議席？」鄒家成又試過就議員去留問題，喺網台節目同林卓廷舌劍唇槍。
另外，中西區區議員黃永志近日喺選區內嘅西區警署對開，掛起寫有「香港，仲差十二個人」嘅橫額，佢話希望大家保持對12港人嘅關注。
更多港聞
【明報專訊】立法會延任一年後近日復會，財經事務及庫務局長許正宇（Chris）喺網誌話，預計未來一年立法會可能都似「武林大會」，舌劍唇槍少不了...
詳情
【Emily】記住歷史 區議員趕睇「香港故事」
【明報專訊】香港歷史博物館常設展覽「香港故事」今起關閉裝修，預計兩年後重開，唔少政圈中人紛紛趁展覽關閉前入場參觀。元朗區議員王百羽日前去參觀... 詳情
相關新聞
