【Emily】藍絲壹傳媒外慶祝 被票控違限聚
[2020.08.11] 發表
【明報專訊】「藍絲」噚日熱烈慶祝壹傳媒集團創辦人黎智英涉違反《港區國安法》被捕，「保衛香港運動」發起人傅振中聯同其他「藍絲」，下晝3點半手持香檳到壹傳媒大樓外，喺行人路上展示印有「資助暴動 刑事檢控黎智英」嘅橫額。有兩名自稱「藍絲」嘅人仲開花炮賀一賀，結果被警方要求佢哋清理番啲垃圾。
清理期間，警員開咪警告各人或違反「限聚令」，要求佢哋立即離開。部分人包括傅振中繼續聚集，結果7人被警方發告票控以違反限聚令，位位罰款2000蚊。傅振中一度自己走先，不過被警員喺對面馬路發現，同收告票。佢收到告票，一時話「無所謂啦」，一時又動之以情同警員講「我嚟撐你㗎嘛，你告我」。
更多港聞
【明報專訊】新冠病毒疫情持續，深水埗鴻裕大廈A座喺第三波疫情至今有13人確診，民協、長沙灣社區發展力量、鴻裕大廈關注組日前發起聯署，邀請港大...
詳情
相關新聞
