【Emily】連升3年 區嘉宏坐正入境處長

國務院宣布任命區嘉宏為入境處長，佢噚日喺灣仔入境大樓地下大堂見傳媒，應傳媒要求，除低銅芯抗疫口罩拍照同發言。（劉焌陶攝）

【明報專訊】今年4月，時任入境處長曾國衞獲任命為政制及內地事務局長，入境處長一職由時任副處長區嘉宏署任，國務院噚日正式任命區嘉宏做入境處長，即日生效。佢噚日下午見傳媒，話入境處作為特區其中一支紀律部隊，有維護國家同特區安全嘅職責，處方會把守香港呢個「南大門」，按照一切適用嘅法律同政策處理每宗個案。

話會把守香港呢個「南大門」

53歲嘅區嘉宏，連同今次已經係連續3年獲擢升，佢喺1988年加入前人民入境事務境處，任職入境事務主任，喺入境處已近32年，2018年擢升助理處長，之後每年升一級，舊年升任副處長，今年就「坐正」處長。

區嘉宏噚日見傳媒，發言時首先感謝中央同特首信任，對獲中央任命感榮幸，話會繼續帶領入境處做好紀律部隊執法同服務，同維護國家安全。佢又話香港已落實港區國安法，強調國安法係中央對香港嘅「愛」，有助一國兩制恒久持續。

佢多次話歡迎港區國安法實施，被問到作為維護國家安全委員會委員之一，會點樣審查出入境者，例如同中央、港府持相反意見嘅人，佢話會按一切適用法律同政策處理每宗個案，會就每宗個案個別情况詳細考慮同決定。

佢又話本港過去一年出現暴力事件，影響民生、經濟同香港嘅國際形象，期望國安法實施有助社會穩定以及提升國際形象。

噚日區嘉宏見傳媒全程只有約10分鐘，回應咗3個中文傳媒提問，之後有英文傳媒向在場人員投訴處長冇英文發言。

更多港聞

【Emily】Ann姐：官員警員不應續BNO

【明報專訊】港區國安法生效後，英國宣布為持有BNO嘅港人提供入籍途徑。民建聯蔣麗芸（Ann姐）噚日同Emily講，處理國安法嘅官員同警員，唔... 詳情

【Emily】劍橋重新檢視林太榮譽院士資格

【明報專訊】特首林鄭月娥做政務官時，曾獲保送至英國劍橋大學深造，2017年獲頒榮譽院士資格。港區國安法正式實施，劍橋學院沃爾森學院（Wolf... 詳情

筆名畫時事漫畫被投訴 視藝教師不獲中學續約

【明報專訊】漫畫裏的人物沒有細緻表情，簡單幾筆勾畫外貌，乍看卡通畫風覺得有趣，再三思索才意會背後信息，叫人苦笑。黃老師以「vawongsir... 詳情

曾做FA教助遭停約 裘錦秋中學：無關政治

【明報專訊】網上流傳一名自稱在裘錦秋中學（元朗）兼教普通話科的融合教育助理發公開信，稱校方因其在社運擔任義務急救員（FA），不再與其續約。校... 詳情

指合作辦學團體中飽私囊 YMCA入稟追討263萬

【明報專訊】香港中華基督教青年會（YMCA）董事與一所辦學團體於2012簽訂協議，合辦一所位於上環的國際學校。據悉，該辦學團體涉違反協議私下... 詳情