【Emily】珠海學院開兩「一帶一路」碩士課
[2020.06.18] 發表
【明報專訊】政府不時呼籲社會把握「一帶一路」機遇。珠海學院今年9月會開辦3個新碩士學位課程，其中兩個同「一帶一路」有關，分別聚焦沿線國家嘅工商管理同國際關係。學院睇好呢兩個課程畢業生就業前景，話學生可了解中國同其他國家嘅商業運作，無論喺本地或海外工作都有優勢。
新開嘅社會科學碩士課程(一帶一路國家國際工商管理)，學生除咗學到國際市場營銷、國際工商管理理論，仲有科目畀學生集中了解一帶一路沿線國家，例如俄羅斯同東歐國家嘅貿易及投資。同樣喺新學年開設嘅社會科學碩士課程(一帶一路國家國際關係)，學生有機會接觸有關中巴經濟走廊、中東石油政治同經濟等嘅課題。
另外，珠海學院9月亦會新開環球傳播文學碩士課程，教授大數據與傳播、環球傳播應用研究等科目。3個課程都可以喺一個學年內以全日制方式，或者用兩個學年、兼讀制方式修讀，以上課程都以英文授課。
更多港聞
教局本周發國歌法指引官方教材 教聯會冀信任學校 葉建源籲勿加強監察
【明報專訊】國歌法上周五（12日）刊憲生效，教育局本周會就國歌法向學校發出新通告。現時教育局並無強制規定學校升國旗及奏國歌的日子與頻次，只建... 詳情
【明報專訊】現時正規課堂內涉獵國旗、國歌知識，主要透過小學常識及音樂科。根據教育局《小學常識科課程指引（小一至小六）》，6個學習範疇之一「國...
詳情
相關新聞
