【Emily】元朗天水圍DSE考生獲派口罩

【明報專訊】今屆中學文憑試(DSE)考生經歷不平凡嘅一年，要喺疫情下應試，格外緊張。一班區議員就向元朗或天水圍考生派發口罩打打氣，每人可領取10個。聽元朗區議員張秀賢(Tommy)講，今次獲「向上游教育慈善基金」捐贈1萬個口罩，佢話自己同創辦人梁賀琪(June Leung)相識一段時間，對方希望送口罩畀DSE考生，託佢哋分發。

Tommy話考生登記後，最快今個周末可拎到口罩，領取時要出示身分證同准考證核實身分。佢話今年DSE生面對「千年難得一遇」嘅狀况，無人諗過去年經歷社會運動，今年又有疫情，學校停課、無咗last day，好多學生連學校mock(模擬試)都無得考，希望藉此為佢哋打打氣。

另一有份派口罩嘅元朗區議員陳詩雅亦都鼓勵DSE考生：「𠵱家最緊要畀心機溫書，出少啲街，加油！」索取口罩登記網址：https://forms.gle/izhwDAo4JtCm4E579