【Emily】上任後「內訪」27次 陳帆搭飛機遠多高鐵
[2020.04.03] 發表
【明報專訊】政府不時力銷高鐵有幾方便，所謂「身體最誠實」，運輸及房屋局長陳帆上任後到內地「內訪」，就坐飛機多過坐鐵路。佢上任後「內訪」27次，只有5次喺香港坐鐵路去，都係上廣州，其餘大部分內訪都係坐飛機。
各政策部門陸續回覆立法會議員就財政預算案嘅書面提問，公民黨譚文豪問陳帆去內地訪問時，會唔會「以高鐵接通全國二萬公里的便捷優勢為首要考慮」，優先坐高鐵。局方回應列出陳帆由2017年7月至今年2月外訪坐咩交通工具，其中有5次上廣州係坐「鐵路」，其餘有14次內訪坐飛機，包括去咗北京11次、廣西2次同杭州1次。另外有8次內訪係坐跨境出租車服務或者渡輪，主要係去深圳、江門同珠海。
鄭若驊外訪40次 開支逾290萬
其他官員方面，律政司長鄭若驊上任至今外訪40次，總開支逾290萬元。其外訪地包括法國巴黎、英國倫敦、盧森堡、奧地利維也納、韓國首爾，以及北京同上海等地，外訪目的包括推廣香港作為亞太區國際法律同爭議解決服務中心。
至於特首林鄭月娥，上任至今共到訪內地39次，當中16次到北京。至於到訪內地以外地方，包括澳門及外國，共有20次。
更多港聞
【明報專訊】立法會經常舉辦導賞團，去年7月1日被闖入後，導賞團服務一直暫停。立法會秘書長陳維安回覆議員提問時透露，去年6月以來，喺保安事件中...
詳情
【明報專訊】「限聚令」禁止多於4人喺公眾地方聚集，但仍有外傭喺公眾地方聚會。勞工及福利局長羅致光噚日拍片感謝外傭對香港社會嘅貢獻，話好明白外...
詳情
【明報專訊】政府近年着重網上宣傳，立法會議員毛孟靜就特別向財委會書面提問有關成效，特首辦回應話，自特首林鄭月娥嘅facebook專頁於201...
詳情
相關新聞
