【Emily】7?1立會被毁 復修更換費4000萬
[2020.04.03] 發表
【明報專訊】立法會經常舉辦導賞團，去年7月1日被闖入後，導賞團服務一直暫停。立法會秘書長陳維安回覆議員提問時透露，去年6月以來，喺保安事件中損毁或遺失物品嘅復修、更換費用合共3897.8萬元，當中最大筆開支用於建築面料，涉2007.8萬元，呢部分會由建築署承擔；其間秘書處聘請臨時保安服務以輔助保安執行職務，涉及開支約212.6萬元。
陳維安：政府負責2000萬
建築署稱1530萬
反修例風波中唔少政府物業同設施被破壞，建築署署長林余家慧回覆議員提問時稱，有40個政府物業要修復，包括政府總部、多區政府合署 、警察總部和多間警署，連同其他設施，總維修費約6100萬元，又話當中1530萬元係負責修復立法會損毁設施(玻璃、裝修及裝置)。
立法會話政府負責約2000萬，但建築署就話承擔1530萬，點解兩條數唔同，Emily暫不得而知。
立會買1.5萬個CSI口罩
立法會截至3月26日共花費約169.2萬用於防疫，其中添置體溫量度系統同體溫計，分別用咗20萬同1.16萬；消毒地氈、潔手消毒劑等消毒用品約12.6萬元；外科口罩及N95口罩約7.57萬元。立法會議員毛孟靜關注立法會買咗幾多俗稱「CSI口罩」嘅懲教署生產口罩，立法會透露，今年1月從物流署買咗1.5萬個懲教署生產外科口罩，開支2904元。
更多港聞
【明報專訊】「限聚令」禁止多於4人喺公眾地方聚集，但仍有外傭喺公眾地方聚會。勞工及福利局長羅致光噚日拍片感謝外傭對香港社會嘅貢獻，話好明白外...
詳情
【明報專訊】政府近年着重網上宣傳，立法會議員毛孟靜就特別向財委會書面提問有關成效，特首辦回應話，自特首林鄭月娥嘅facebook專頁於201...
詳情
相關新聞
