【Emily】眾志10萬口罩 未派先死官網

香港眾志常委梁延豐（左）過去兩周日夜顛倒，終於撲到10萬個口罩返嚟，秘書長黃之鋒（右）就話部分口罩會喺網店以低於成本價發售。（黃之鋒fb圖片）

「深水埗明哥」（右）有新世界贊助物資，向區內長者派發1000個「抗炎包 」。

【明報專訊】近日全港都鬧口罩荒，香港眾志喺美國採購10萬個口罩，並已運抵香港。秘書長黃之鋒話，呢批口罩部分會交畀友好嘅民主派區議員，以協助有需要嘅社區人士，其他就喺眾志網店以低於成本價發售。負責嘅常委梁延豐(Tobias)同Emily講，今日中午會公布分配安排；口罩資料仲未擺上網店，眾志官網已經死機，一眾市民睇嚟相當心急。

點解眾志搵到貨？Tobias透露，佢由1月底就開始撲口罩，「逐戶逐門電郵問」，過去兩周日夜顛倒，因為要喺美國時間聯絡廠家。佢透露運費都較平時上升3、4倍，要成幾萬元，強調特首林鄭月娥要搵口罩都要主動撲。之鋒就話內地商人近乎買晒全球口罩，所以佢哋預備大批資金，最短時間電匯去美國，以防內地商人「搶單」。

至於呢批口罩點分配呢？Tobias就話仲點算緊，今日中午公布。南區區議員林浩波、袁嘉蔚都話，希望優先照顧區內有需要嘅街坊。除咗香港眾志，香港佛教聯合會捐贈4000個口罩畀工聯會，希望送畀清潔工友。

新世界千個抗炎包畀明哥派

唔少財團都加入捐口罩，新世界發展執行副主席鄭志剛早前宣布捐出逾1000萬港元，訂購口罩、消毒潔手液及濕紙巾「抗炎三寶」，噚日搵「深水埗明哥」(陳灼明)幫手，將1000個「抗炎包 」派畀區內長者及弱勢社群。明哥話希望社會上更多有能力嘅人願意幫助弱勢社群。

更多港聞

【Emily】工聯會不改「家規」 陸頌雄冇得連任勞工界

【明報專訊】立法會9月舉行換屆選舉，唔同政黨都做緊內部遴選。工聯會多年來穩奪勞工界兩席，佢哋亦展開咗內部初選。據悉，工聯會堅守「家規」——勞... 詳情

【Emily】深水埗區會通過設連儂牆

【明報專訊】武漢肺炎疫情嚴峻，民政事務總署目前拒絕提供區議會秘書處服務，但好多區議會都決定自行開會以示無秘書處都可以做到嘢。深水埗區議會噚日... 詳情

【Emily】侯強派罩五千 部分留畀村民

【明報專訊】全城鬧口罩荒，上水鄉委會主席侯志強（左）噚日就喺上水鄉委會免費派5000多個口罩，原本中午12點派籌，市民可以憑身分證換6個口罩... 詳情

書與人生：佛系廢青應急手冊

【明報專訊】「考試考成點？」、「入大學會揀咩科？」、「讀書辛唔辛苦啊？」…… 早前農曆新年假期，大家最開心的當然是跟親戚團聚——後收到... 詳情

書與人生：佛系心理解剖

【明報專訊】為什麼要讀書？為何要讀文言文？學習三角函數sin、cos、tan將來有用武之地嗎？ 即使身處自修室、手執課本溫習，你心裏也... 詳情