【Emily】環保時裝創意 廢料變港式華麗
[2020.01.13] 發表
【明報專訊】推動環保時裝，設計師嘅角色好重要，環保組織Redress喺10年前起舉辦比賽，希望向設計師灌輸環保理論同技術，扭轉大量衣物棄置堆填區嘅命運。大賽由最初「香港限定」，到2018年開放畀全球參賽者，Redress時尚循環項目總監廖詠芝接受「政府新聞網」訪問話，呢項比賽可向全世界展示香港喺可持續時裝方面做咗好多嘢，歷屆參賽者已經喺全球創立40多個可持續品牌。
本港時裝設計師陳劍峰舊年參加比賽，作品靈感嚟自香港霓虹燈招牌，原本想用棄置亞加力膠去做，但考慮到塑膠好難分解，最後以紫外光印刷當舖招牌個「押」字喺件衫度，最後奪得最傑出香港獎項，佢話比賽令佢顛覆自己對時裝既有看法。
今年比賽邁進第10屆，Redress喺荃灣南豐紗廠舉行回顧展覽，畀市民欣賞過往得獎時裝，了解將廢料轉化為華麗時尚嘅歷程，展期至19號。
更多港聞
傑出學生冀入政府改變社會 稱現班子失公信 應「除舊迎新」
【明報專訊】青苗基金主辦的「香港傑出學生選舉2018-19」昨日舉行頒獎禮，共11名中學生得獎。教育大學校董會主席馬時亨在頒獎禮致辭說，最近... 詳情
相關新聞
