【Emily】接任主席「係咪傻咗」 歐陽伯權入港鐵 朋友叫照吓腦
[2019.07.25] 發表
【明報專訊】 港鐵主席歐陽伯權本月上任，噚日佢首次同傳媒茶敘，佢喺開場白提到，港鐵過去一年發生好多事，例如沙中線工程問題、荃灣線撞車等，佢認為都唔應該發生，雖然佢新加入港鐵，但都會接受批評，希望同市民講聲「唔好意思、對唔住」。佢又話，認為港鐵做嘢應該跟程序，唔應該以趕工為藉口，承認港鐵喺沙中線等事件上有做錯，會汲取教訓，希望外界畀時間佢改善。
向市民認錯 指不應以趕工為藉口
對於點解會喺呢個時候接任港鐵主席？歐陽伯權笑笑口話，「你話我係咪傻咗？」記者即刻澄清無咁講過，不過歐陽伯權就話，其實好多朋友都有咁嘅疑問㗎，「公布(任命)當日已經有兩個醫生朋友話可以免費幫我照吓個腦」。
佢解釋，自己有40年工作經驗，亦參與過好多公職，學到唔少管理經驗，身為香港人，如果可以回饋社會，都希望可以一試，「試過之後起碼我夜晚瞓得着覺」。
歐陽伯權話，自己搭咗港鐵多年，認同乘客嘅要求唔止係由一個站去另一個站，港鐵服務需要更加「貼地」，未來會翻新舊車站等。佢又話，港鐵未來仍然會發展海外項目，但會慢慢做，強調香港業務先係首要。
更多港聞
【Emily】大公報招牌違例 屋署令30日內拆
【明報專訊】喺灣仔軒尼詩道大廈外牆上嘅《大公報》招牌早前被指屬違例招牌，屋宇署噚日出咗清拆令，要求大廈業主要喺30日內展開工程除去招牌。屋宇... 詳情
【Emily】指立場衝擊信念 譚領律退出新民黨
【明報專訊】反修例風暴引發連串示威及衝突，政府一直未肯回應反修例者訴求，於2016年立法會選舉參選新界東，名單排在新民黨容海恩之後、為其抬轎... 詳情
【Emily】皇仁仔登報譴責「暴徒何君堯」 沈旭暉解畫
【明報專訊】立法會議員何君堯被指與元朗周日白衣人追打市民一事有關，雖然佢否認策劃，但皇仁書院一班舊生同學生發起聯署，喺報章刊登廣告，以「肆行... 詳情
【明報專訊】立法會議員何君堯被指與周日晚上元朗白衣人襲擊市民一事有關，前日發現雙親祖墳被毁，到底邊個主事一直議論紛紛，經民聯梁美芬亦喺fac...
詳情
【Emily】創科賽冠軍 小學生智能手杖助長者「求救」
【明報專訊】𠵱家中小學都推緊STEM教育，喺學生學習過程中，都可以幫吓弱勢社群。樂善堂「第一屆關懷弱勢社群——全港創新科技設計大賽」，得獎... 詳情相關新聞
