【Emily】馬會新會所明年開幕 今起招500人
[2019.07.24] 發表
【明報專訊】馬會跑馬地嘅新會所明年開幕，馬會加強培訓人才及招聘，今日起至下月10日舉行招聘博覽，餐飲服務、廚師及廚務、體育及康樂部、會員關係、工程技術人員和其他後勤支援等120個工種都會請人，料有500個就業機會，申請者可先網上預約面試時間。馬會話主要想請全職員工，唔理有無經驗、後生定年長，熱愛款客行業先係最重要。
辦兩款客課程 專業文憑同學士程度
馬會噚日宣布成立「香港賽馬會會員款客事務學院」，開辦兩個供員工報讀嘅課程，分別係「卓越款客管理專業文憑」及「卓越款客管理高級證書」，各提供20至30個名額，員工可根據自己本身嘅學歷及經驗選讀，讀完前者專業文憑，學歷等同資歷架構第五級別(即學士學位)。
聽馬會策劃、品牌及會員事務執行總監梁桂芳講，成立學院最困難嘅係要諗點樣將馬會文化同馬會營運經驗放到課程入面，佢希望教到員工實際知識同概念外，亦可以將不斷更新同優化嘅精神等傳承畀下一代員工。
更多港聞
【Emily】卿姐獲LSE頒博士 致辭籲英續關注香港
【明報專訊】民主黨前主席劉慧卿（卿姐）喺英國接受佢碩士母校倫敦政治經濟學院（LSE）頒授社會科學名譽博士學位，佢喺致辭時提到，香港政府修訂《... 詳情
【Emily】「國家最緊要」莫錦貴撐警應更強硬
【明報專訊】近日因修例風暴引發多場衝突，包括沙田新城市廣場警民衝突。沙田鄉事委員會噚日舉行執委會就職典禮，大家致辭時都關心近日事件，沙田鄉委... 詳情相關新聞
