青民再搞青年實習 律師會計「落水」

[2019.06.08] 發表

【明報專訊】政府不斷鼓勵年輕人去粵港澳大灣區同一帶一路地區發展，唔少團體都有搞呢類實習計劃。不過，青年民建聯總監顏汶羽話，之前去廣州同喺當地讀大學嘅香港學生傾偈，發現原來有唔少港生想返香港實習，但往往除咗學校因課程要求而有安排外，其他機構都冇乜搞呢類本地實習計劃。

有見及此，青民上年推出「進一步的天空」本地實習計劃，今年再接再厲，提供實習機會嘅公司仲由公營機構，擴展到律師樓同會計師行。

實習職位揼石仔揼番嚟

顏汶羽話，呢啲實習職位每個都要揼石仔咁揼番嚟，好似機管局、市建局、嘉華國際同麗新發展有限公司等，好受學生歡迎，今年公、私營機構提供咗共30個職位，而民建聯議員辦事處都提供咗約10個實習職位，40個位吸引咗170個學生報名應徵。

更多港聞

【明報專訊】30名法律界選委早前約見特首林鄭月娥傾《逃犯條例》修訂被拒，本身係律師嘅立法會議員何君堯周一就以個人名義，邀請所有法律界選委喺今... 詳情