法律界選委請食檸檬 何君堯糉動員
[2019.06.08] 發表
【明報專訊】30名法律界選委早前約見特首林鄭月娥傾《逃犯條例》修訂被拒，本身係律師嘅立法會議員何君堯周一就以個人名義，邀請所有法律界選委喺今日同佢辯論。不過選委之一、資深大律師陳景生周三已回信請何君堯「食檸檬」；何君堯未放棄，周四深夜仲喺facebook出post，擺咗張糉嘅相，留言話「有糉等你，唔嚟就無糉㗎啦」。
何君堯周四回覆陳景生話，既然特首唔可能同選委見面，選委下一步應該游說立法會議員，去修訂或者否決修例，但選委拒絕同佢會面，質疑選委知唔知自己做緊乜。
話法律界選委「擺款」
何君堯噚日出席龍舟競渡活動時接受傳媒訪問，再提到佢作為議員，要審議草案，所以向選委提出一個溝通嘅渠道，但選委就話佢代表唔到特首同政府，形容法律界選委係「擺款」咁話。
更多港聞
相關新聞
