環保食物盒棄街邊 創企稱漏收
[2019.03.20] 發表
【明報專訊】新創建集團同社會初創企業BottLess舊年舉辦「無塑好日子．長洲」活動，免費借用環保食物盒畀市民喺長洲食嘢時用。不過有網民就上載啲相，影住一個個印有新創建集團同BottLess標誌嘅綠色食物盒，被人放喺垃圾袋同膠箱內，就咁放喺路邊，部分食物盒比較污糟。發帖人話當時宣傳活動時BottLess表明會適當安置膠兜，但現時「膠兜會被清洗後重用抑或係當作廢物，係唔係應該俾番個答案長洲人呢？」
BottLess回應Emily查詢話，舊年活動預留咗4000套餐盒借畀人用，活動後餐盒已經清洗消毒及畀其他活動重用，但原來有250個餐盒漏咗喺長洲一間餐具消毒公司，事前唔知情。BottLess見到網上啲圖片之後，已經即時聯絡餐具消毒公司，協商馬上收回餘下嘅250個餐盒，送到由通過香港安全檢定同ISO22000-2005嘅自營清潔工場「BottLess Zero 」用機器重新清洗及消毒，畀未來活動繼續使用。BottLess話對事件引致社會關注同誤會，謹此致歉。
新創建集團發言人話得悉事件後已即時同BottLess了解及跟進，佢哋舉辦「無塑好日子」係希望藉喺小店及食肆林立嘅長洲做試點，以鼓勵市民養成減廢除塑好習慣。
更多港聞
科大新天文攝影機 探黑洞奧秘 諾獎教授領導研製 最快一年內完成
【明報專訊】過去觀測天文現象，一般會使用天文望遠鏡，惟往往未能仔細了解作為「光最小單位」光子的微細活動和內在屬性。香港科技大學一名曾獲諾貝爾... 詳情
【明報專訊】本報接獲投訴稱，2017年捲入「影子學生」醜聞的屯門興德學校，2017/18學年在完成教師工作表現評核前，已傳出一份涉及約16名...
詳情
【明報專訊】香港科技大學學生會屬會「臺灣學生會」在校園內宣傳攤位的中華民國國旗（青天白日滿地紅旗），上月懷疑遭人強行換成中華人民共和國國旗（...
詳情
相關新聞
