泰國度假學煮餸 葉太下廚火都嚟
[2018.10.02] 發表
【明報專訊】立法會下星期復會，唔少議員都享受緊餘下假期，新民黨主席葉劉淑儀近日就同囡囡去咗泰國清邁度假，行程之一係探訪當地農莊，仲參加咗泰國菜烹飪學堂，學習煮幾味地道泰國菜。
葉太噚日就喺facebook上載咗一輯佢喺當地炮製地道泰菜嘅相，包括學整冬蔭功、紅咖喱、泰式炒通菜、泰式炒粉同芒果糯米飯，其中一張見到葉太著住圍裙喺度炒緊菜，好有鑊氣，個火?到好高，但葉太都幾氣定神閒咁繼續煮，有?功架咁。
葉太就話佢唔係經常下廚，形容當日「雞手鴨腳」，好在有導師從旁指導，得以順利煮好幾道泰國菜；仲話雖然賣相一般，但大家都覺得味道算唔錯，佢飲番自己煮嘅冬蔭功，覺得味道還可以。葉太又話當日行程仲有參觀農村，睇到昔日農耕工具，而且有機會學習點樣舂米，係一次幾有趣嘅體驗。
更多港聞
相關新聞
