藍屋舊物展示館 重現閣仔板間房

聖雅各福群會將藍屋74號3樓一個約600呎嘅唐樓單位作為「舊物敘述空間」，重現當年板間房、閣仔嘅場景，又展示過去收集到嘅藍屋舊物，例如板間房內掛咗婦女著過嘅旗袍，又有細細把嘅電風扇等，公眾參加免費導賞團就可以參觀。（鍾林枝攝）

目前我哋用開8個數目字嘅電話號碼，不過呢張喺藍屋展示嘅舊電車路線圖同時間表，上面嘅電話號碼只得5個數字，可見其歷史。（鍾林枝攝）

藍屋同橙屋地下最近開咗兩間社企，包括圖中嘅糖水店「時間關係」。聖雅各福群會總幹事李玉芝（左）話附近唔見有糖水店，於是萌生開糖水店嘅念頭；身旁嘅收銀員阿華就話好鍾意藍屋份人情味，所以入咗嚟打工。（鍾林枝攝）

【明報專訊】灣仔藍屋建築群舊年完成活化，負責營運嘅聖雅各福群會收集咗300件藍屋舊物，其中幾十件喺藍屋一個唐樓單位展出，成為一個「舊物敘述空間」，畀導賞團參加者參觀。Emily噚日參觀呢個小型展示館，入面重現收樓時候嘅間隔，600呎嘅唐樓空間有3間板間房，板間房上有閣仔，板間房外有碌架?，據聞一度住過約40人，展示館保留一個昔日煮飯、?涼兩用嘅柴房。展示館嘅舊物包括印有5位數字電話號碼嘅電車路線圖同收費表，又有當年居民著過嘅旗袍。

保留煮飯冲涼兩用柴房

藍屋地下亦有兩間社企營運，聖雅各福群會總幹事李玉芝話，藍屋建築群活化着重社區參與，唔想與民爭利，見附近冇乜糖水店，近年大眾又流行食素，所以開咗素食店同糖水店。李玉芝話社企支持本地有機農業，食材不時不食。糖水店收銀員阿華話，自己唔想同社會脫節，加上認同藍屋保育保留人嘅故事呢份信念，所以決定10幾年後重返職場。

藍屋係本港首個「留屋留人」嘅活化計劃，3幢唐樓建於1920至1950年代，當中藍屋和黃屋分別係一級同三級歷史建築，橙屋則未獲評級。李玉芝話，除?8戶原居民留低，亦透過「好鄰居計劃」揀咗12戶新住客，至今未有人退租。佢話，目標係第三年自負盈虧，已經向政府提出再營運3年。

更多港聞

范太搞有聲中史書 張文光有份聲演

【明報專訊】范徐麗泰退任人大常委，現時致力搞佢個勵進教育中心，佢近日仲向中小學免費贈書，推廣中國歷史。不過佢送嘅唔係普通中史文字書本，而係中... 詳情

40博物館聽日後日免費

【明報專訊】政府為響應「香港國際博物館日」，市民可以係嚟緊星期六、日（12至13日）免費去40個康文署轄下嘅博物館、文化場館或其他本地文化博... 詳情

接納每個孩子獨一無二 母親育SEN三子﹕逆境帶來勇氣

【明報專訊】15年前初為人母，迎接一對雙胞胎兒子的誕生，豈料孖仔雙雙被發現有讀寫障礙，及後再生下小兒子，其發展亦較同齡孩童遲緩。一度自責生下... 詳情

教大幼師畢業生 起薪升12%

【明報專訊】政府2017/18學年推出免費優質幼稚園教育，同時訂立幼教教師建議薪酬，香港教育大學昨發布2017年畢業生就業調查，其中幼教教師... 詳情

第21屆校園記者：M+敢探號訪校 拉近藝術距離

【明報專訊】西九文化區M+ 2016年起展開大型校園及社區計劃「M+ 敢探號」。「M+ 敢探號」其實是一輛拖車，既是流動展覽空間，又是創作室... 詳情