【明報專訊】近日有網友�鐪acebook群組講起「谷氣事」，指上周六(5日)到區內某家餅店，打算訂製一個芒果芝士蛋糕幫姨丈慶生，翌日收到蛋糕後，發現蛋糕上生日牌字句係簡體字，與店員理論期間，指店員態度令佢好不滿。事件惹起網民熱議。

事主﹕店員稱「無講明寫繁體」

據事主黃小姐�鐪b群組「Tai Po 大埔」帖文所見，當時佢問店員點解生日牌上寫簡體字，且字體會如此不堪，店員回應「你無講明寫繁體字」。事主當時大感不滿，話：「呢度係香港唔係大陸，如果我要用簡體字生日牌我去深圳買喇！以後唔會去幫襯！」

涉事店舖隨後�鐪b專頁回應事件，指該店最近有人事變動，涉事職員係第一日新入職，唔熟悉公司運作。該店強調已內部處分及加緊培訓有關同事，並就事件致歉。餅店負責人蘇先生回應本報查詢時話已親自向事主致歉，重申已處分相關同事，而事主滿意回應，唔使餅店賠償。蘇先生強調會重新培訓新人，包括點樣應對突發情�G等。