「議會內外不應涉政治」論掀二創潮 容海恩「自抽」不忘譴責許智峯

容海恩喺facebook貼圖，話「少講政治 都要譴責許智峯」，將網民嘅諷刺圖片重新創作。（fb圖片）

【明報專訊】立法會早前組團考察大灣區，港台節目《議事論事》近日播出新民黨容海恩(Eunice)隨團受訪片段，一句「我覺得議會內外都唔應該牽涉太多政治」成為網絡熱話，唔少網民二次創作，以「學校不應牽涉太多學習」、「公司內外都不應該牽涉太多三文治」等造句諷刺Eunice。Eunice噚日就喺facebook「三創」反擊，借民主黨許智峯涉搶手機一事抽水，話「少講政治 都要譴責許智峯」、「少講政治 同你講刑事」。

Eunice喺節目上被問到點解考察時未提到高鐵一地兩檢爭議，佢回應話：「我覺得議會內外都唔應該牽涉太多政治，應該講番實際情况，講番社會需要，市民嘅需求，佢哋嘅期望。」呢番言論引起部分網民批評，認為作為議員講政治係合理嘅事，又以「公司不應牽涉太多工作」等句子諷刺容議員。

「高姿態牽起聯署 或被人攻擊」

Eunice日前發起譴責許智峯嘅公眾聯署，佢噚日喺facebook貼文時，同時呼籲市民支持聯署譴責許智峯。Eunice認為，網民嘅諷刺係針對佢嘅聯署行動，自己「高姿態牽起聯署，會有被人攻擊可能性」，有人會趁機炒作，但正如佢facebook所講，「無謂的個人攻擊唔會阻到聯署行動」。

更多港聞

湯家驊：林鄭任內完成政改23條助連任

【明報專訊】特首林鄭月娥上任以嚟一直強調要為《基本法》23條立法同重啟政改創造有利環境，行政會議成員湯家驊（Ronny）噚日出席港台節目後，... 詳情

政制局：無計劃修改特首任期條文

【明報專訊】全國人大會議3月通過修改國家《憲法》，取消國家主席不能連任超過兩屆嘅規定。港府近日就財政預算案書面回覆議員查詢，公民黨郭家麒就關... 詳情

「股壇長毛」撐長毛：社會冇強制外觀標準

【明報專訊】有「股壇長毛」之稱嘅獨立股評人David Webb噚日喺網站發表文章，撐另一個「長毛」——立法會前議員梁國雄。Webb喺文中討論... 詳情

五一遊行「熊貓」頻現 促標時盡快立法

【明報專訊】噚日5月1日勞動節，多個團體都發起遊行同集會爭取工人權益，參加者有各種各樣訴求，不過無論係朝早由建制派工聯會發起嘅遊行（右圖），... 詳情

少年太空人體驗營接受報名

【明報專訊】想穿上太空衣，一嘗做太空人嘅滋味，中學生又有機會了！第10屆「少年太空人體驗營」由噚日開始至5月31日，接受全港中學提名學生參加... 詳情