自由黨黨慶CY甩底 田少捐錢民主黨查UGL事件

民主黨林卓廷（右）應邀出席自由黨黨慶酒會，仲呼籲田北俊（左）捐錢支持民主黨嘅「天下為公」眾籌計劃，田大少爽快答應，現兜兜拎張金牛出嚟捐畀民主黨。（劉焌陶攝）

特首林鄭月娥聯同多名司局長現身自由黨黨慶酒會，黨魁鍾國斌話咁證明自由黨同現屆政府關係「十分良好」。左起﹕榮譽主席周梁淑怡、主席張宇人、林太、鍾國斌、榮譽主席田北俊。（劉焌陶攝）

【明報專訊】自由黨噚日舉行25周年黨慶酒會，特首林鄭月娥聯同多名司局長都有現身，黨魁鍾國斌話咁證明自由黨同現屆政府關係「十分良好」，酒會儀式主持人楊哲安仲呼籲在場人士影完相，放上網分享時，記得「#大合照」，但就唔需要「#大和解」。

5年前杯葛 CY今稱有事不出席

酒會本來真係會上演「大和解」，皆因上一次自由黨黨慶(2013年)，因為當時黨魁田北俊(田大少)撐發3個免費電視牌，搞到梁班子杯葛酒會，當時就盛傳杯葛係時任特首梁振英(CY)落柯打。CY原本答允噚日去酒會，但儀式舉行前半個鐘通知自由黨有事未能出席。

一向努力抽CY水嘅田大少喺酒會剛開始時被問到點睇CY嚟酒會，佢當堂打個突並反問「佢嚟咩？」，話自己唔知情，佢話諗起CY做特首時叫啲司局長唔好去黨慶，「𠵱家林鄭做咗特首，佢自己都嚟埋，呢個非常畀面啦」。但田大少並無放過CY，噚日仲即席捐咗1000蚊畀民主黨嘅「天下為公」計劃𠻹。

話說民主黨林卓廷出席自由黨黨慶，又同田大少傾偈，田大少話可能CY知道民主黨眾籌達標，所以突然改變主意唔嚟；阿廷隨即呼籲捐錢，田大少爽快答應，現兜兜拎張金牛出嚟畀民主黨，仲叫民主黨努力籌錢。

更多港聞

圖書館非小說借閱十大 日旅遊書佔八

【明報專訊】政府回覆立法會議員有關特別財委會嘅提問，議員馬逢國關注公共圖書館嘅借閱量，康文署回覆話，2017年公共圖書館嘅中文、英文書總借閱... 詳情

工聯會換屆　鄭耀棠全退做會員

【明報專訊】工聯會噚晚舉行第37屆常務理事會改選，選出新一屆負責人。本身擔任理事長嘅吳秋北成為新一屆工聯會會長，黃國接任理事長，上屆會長林淑... 詳情

泛民李鳳琼建制植潔鈴擬戰區會補選

【明報專訊】東區區議會佳曉選區議席6月10日舉行補選，提名期今日開始，本月30日結束。佳曉由小西灣邨部分樓宇、佳翠苑同曉翠苑組成，Emily... 詳情

恒生乒乓學院畢業禮 銀行一姐露兩手

【明報專訊】「恒生乒乓球學院」噚日舉行2017年畢業禮，以表彰香港優秀年輕乒乓球運動員嘅卓越表現，活動有逾200名學院出席，恒生銀行嘅「一姐... 詳情

教科書加價2.6%

【明報專訊】教育局昨公布下學年課本價格，印刷及電子課本價格較去年平均升2.6%，加幅較上年微升0.5個百分點。局方稱近年課本價格升幅溫和，反... 詳情