【明報專訊】沙中線「大圍至紅磡段」建成後，將會連接屯門至馬鞍山，形成「東西走廊」，但近日網上討論區有傳，嗰條線可能要改名做「屯馬線」；至於「紅磡至金鐘段」形成嘅「南北走廊」，亦或者要改名做「東鐵線」。有網民質疑，「屯馬線」會令人混淆同屯門碼頭有關，大家唔使咁擔心住，港鐵回覆話未有定案。 港鐵啱啱宣布6月加票價，有網民講笑話，咁改名不如叫「加價線」喎，亦話可以叫「USB線」、「斑馬線」，或者統一用數字、顏色命名，甚至直接叫「直線」同「橫線」。有網民更發起問卷調查收集意見，仲話已經去信立法會鐵路事宜小組委員會所有成員。 港鐵回覆話，一直收到社區對線路名稱嘅意見，會喺落實線路名時一併考慮，名稱嘅代表性同地理位置等因素亦會納入考慮，畀公眾更易辨別，會喺正式啟用前公布。
|
| |
| |
;)
