著西褲去海灘 張華峰遊澳洲不忘論政

面對陽光與海灘，張華峰仍然係恤衫西褲造型留影，似乎有啲格格不入噃。（張華峰facebook圖片）

莫乃光喺高野山奧之院參道，發現好多機構設墓碑供奉遇難者，連UCC都有咖啡杯形「墓碑」。（莫乃光facebook圖片）

【明報專訊】唔少立法會議員趁復活節長假期外遊，人稱「肥老闆」嘅經民聯立法會議員張華峰近日去咗澳洲，識飲識食嘅佢歎盡當地海鮮之餘，亦喺facebook同大家分享，就連去沙灘嘅相都公諸同好，不過就唔見肥老闆有泳裝相，事實係佢仍然著住長袖白恤衫同西褲現身沙灘。

肥老闆兩次喺fb發帖講澳洲之旅，佢話同朋友享受陽光海灘之餘，當然要品嘗肥美海鮮，相片可見，佢食嘅龍蝦與鮑魚都同肥老闆一樣咁有分量。而佢去到旅行尾聲亦不忘講政治，形容身在澳洲心繫香江，「對於有佔中搞手發表一番港獨言論，在外串連搞港獨，令我感到十分氣憤，認為必需及時遏止這股歪風，以免荼毒年青人」。

另一邊廂，民主派會議召集人莫乃光(Charles)就去咗日本，除咗到吉野山賞櫻，亦去到宗教重地高野山，佢形容當地寧靜得嚟亦歷史、現代感兼備，話主要寺廟即使有逾千年歷史，仍有現代氣息。佢話去到奧之院參道旁嘅幾十萬座墓碑，原來公私營機構都會設墓碑供奉遇難身故者，最有趣嘅係一個UCC咖啡形「墓碑」，Charles笑言似賣廣告多啲。

更多港聞

鍾國斌緬甸行「3任務」

【明報專訊】自由黨鍾國斌（Felix）喺剛剛嘅4日公眾假期「獨遊」緬甸，佢話帶住3個任務，包括睇吓當地工業園起工廠進度、引入緬甸外傭安排，以... 詳情

姚松炎動太古城腦筋 激親趙家賢

【明報專訊】落選立法會補選嘅姚松炎日前就太古城一帶提出新規劃建議，包括喺東區走廊近太古海濱一段馬路上，蓋建露天平台作行人專用區同休憩地方，並... 詳情

科大創業賽 網民可「公投」

【明報專訊】科技大學辦第八屆百萬元創業大賽，今次增加新元素，引入「公投」概念，24支入圍隊伍喺簡報環節中嘅表現將被放上網，畀大眾投票選出表現... 詳情

「藍服日」籲關注自閉症

【明報專訊】噚日係世界關注自閉症日，「愛培自閉症基金」舉辦「藍服日」（圖），呼籲市民穿上代表支持自閉症患者嘅藍色衫，藉此多啲關注自閉症。基金... 詳情