校董何君堯「殺無赦」事件 嶺大校長：唔覺有調查
[2018.03.15] 發表
【明報專訊】嶺南大學校董兼立法會議員何君堯上年喺反港獨集會入面，發表咗「殺無赦」嘅言論，引起風波，有嶺大學生早前引述校長鄭國漢嘅回應話，如果涉及懲處，就要校董會處理。鄭國漢噚日出席傳媒茶敘時再回應事件，話唔係好覺得校方有正式調查過事件。
鄭校長話，有啲人嘅個人行為同學校無關，唔關大學事，仲話喺香港制度之下，校董會成員唔係佢任命，只有政府官員可以決定係咪畀何君堯續任校董，學校管理層無權處理。以佢所知，學生會同校董會有傾過呢件事，但唔係好覺得有一個正式調查。
鄭國漢及校方人員噚日同傳媒聚會，向傳媒大派學生手作紀念品，包括蒜頭蜜糖同埋以紅菜頭製成嘅保健食品，鄭校長大讚兩款嘢食係嶺大同學仔同社企合作精心製作，仲話自己試食過𠻹。
更多港聞
【明報專訊】提起科學園，唔少市民只會聯想到呢個地方係假日踩單車必經之路，會入去借廁所，唔太清楚科學園對於香港科研發展嘅貢獻。為咗畀更多市民親...
詳情
特稿：贏港區賽 基層生無力付2萬旅費 沙崇籌款助學生赴美戰創意賽
【明報專訊】沙田崇真學校7名學生早前組隊出戰「創意思維世界賽香港區賽」，奪得分組冠軍，有機會代表本港到美國芝加哥參加世界賽，但每人旅費需約2... 詳情相關新聞
