揮春「吉」字 阿廷﹕寫「土」唔寫「士」
[2018.02.22] 發表
【明報專訊】民主黨立法會議員林卓廷(圖)噚日搞年度新春團拜，又親自煮牛腩同滷水雞翼畀記者朋友食。阿廷今年密密落區幫人寫揮春，寫字靚過上年，佢話喺上年底苦練書法，特登買顏真卿字帖臨摹練字。
早前網傳有議員幫人寫揮春時寫錯字，阿廷都話試過有街坊質疑佢寫錯字。佢話，寫揮春要寫個「吉」字時，通常上面係寫「土」，而唔係平日大家寫開嘅「士」，所以當街坊見到阿廷咁寫，就會話佢寫錯，阿廷就要解釋一輪。
政黨中人落社區寫揮春，睇啲街坊要求寫咩，已經係另類「民情指數」。阿廷話，今年喺上水嗰頭寫，街坊都係要身體健康為主，喺維園寫嘅揮春先會政治化一啲。
阿廷個大仔已讀緊中一，仲因為成績唔錯，之前被編入普通話教嘅中文班，但阿廷覺得都係用廣東話學中文比較好，所以幫阿仔轉番去廣東話班。(楊康琪攝)
更多港聞
【明報專訊】藝人王祖藍以扮鬼扮馬見稱，早前喺演唱會宣傳活動中扮前特首梁振英就獲讚好神似。王祖藍今年獲委任做廣西政協委員，佢喺噚日播出嘅港台節...
詳情
【明報專訊】專業議政其中4名議員郭榮鏗、葉建源、邵家臻及梁繼昌，噚日舉行新春傳媒茶敘，無黨派醫學界陳沛然都有現身團拜活動，唔通佢加入咗專業議...
詳情
相關新聞
