蝴蝶酥冇蝴蝶？ 消委：無違法
[2017.12.23] 發表
【明報專訊】繼鮑魚炒飯冇鮑魚之後，有中菜酒家售賣嘅「粟米石斑塊」疑似用鯰魚充石斑，違反《商品說明條例》被票控，即刻引嚟大量疑問，唔知碗仔翅會唔會犯法呢？蝴蝶酥冇蝴蝶又點樣呢？消費者委員會總幹事黃鳳嫺就話，犯法與否視乎虛假說明是否達到關鍵程度，衡量時亦都要考慮消費者嘅合理期望。
黃鳳嫺接受電台訪問時提到，大家都知道以碗仔翅嘅價錢係唔會有翅，屬於合理認知，唔會有爭議。佢又舉例，墨西哥包唔係墨西哥生產、蝴蝶酥冇蝴蝶、雞尾包冇雞尾、螞蟻上樹都無木頭和螞蟻，但呢幾款菜式都唔會觸犯《商品說明條例》。
「食客對貴價石斑有期望」
黃鳳嫺指食客對貴價石斑有合理期望，如食肆以另一種魚代替，呢種虛假說明就會達到關鍵程度。佢建議，食肆可以喺餐牌上列明材料同成分，咁就一定唔會令人誤會。
更多港聞
【明報專訊】特首選舉期間不時傳出「3JT」嘅新聞，包括係咪組成聯盟咁，雖然至今無發生，但係3JT其實不時走埋一齊，好似民建聯創黨主席、立法會...
詳情
相關新聞
