大棠紅葉邁向極紅
[2017.12.23] 發表
【明報專訊】過多兩日就係聖誕節，元朗大棠紅葉趕及迎聖誕。漁護署噚日公布，大棠紅葉指數已經由原本嘅「開始紅」變為「開始紅至極紅」(圖)，市民可以趁周末同聖誕假期上山睇紅葉。不過，漁護署已經收走所有郊野公園行山徑嘅垃圾桶，市民上山要「自己垃圾自己帶走」喇。
據漁護署紅葉情報，大欖郊野公園大棠山道嘅紅葉指數為B至A級，即「開始紅至極紅」。漁護署解釋，葉嘅細胞除咗有葉綠素，仲有呈黃色嘅胡蘿蔔素，同埋紅色嘅花色素苷，寒冷氣溫同強光照射會加速葉綠素分解，有助葉細胞製造花色素苷，所以見到有樹葉轉為紅色。
市民除咗可欣賞楓香樹嘅紅葉，仲可以欣賞沿路嘅大頭茶花同埋紅花荷。運輸署建議盡量使用公共交通工具去大棠，嗰度喺周末同公眾假期，都會實施交通管制。
更多港聞
相關新聞
