邱武卸任數月 入城大做顧問
[2017.12.02] 發表
【明報專訊】運輸及房屋局前副局長邱誠武，喺新班子上場後就卸任，未夠半年，噚日起出任城市大學香港持續發展研究中心嘅國際及專業顧問，主要任務係就中心發展方向提供意見，仲要聯同其他成員透過協作探索唔同嘅解決方案。
負責考慮前政治委任官員離職後工作同委任安排嘅諮詢委員會噚日公布，唔反對佢離職後計劃接受嘅委任，認為只要佢遵循規限，唔構成任何潛在利益衝突，亦唔預期引起負面公眾反應同觀感。
不過就講到明佢離開政府一年內唔可以參與政府事宜嘅游說工作，亦唔可以參與運房局或相關各署嘅競投，同時禁止透露任何喺政府任職時獲得嘅機密資料。邱誠武1982年中大生化系畢業，曾任《經濟日報》執行總編輯，2008年起出任副局長。
更多港聞
【明報專訊】維港有新面貌！中環摩天輪終於落實本月20日重開，而「幻彩詠香江」噚晚亦大變身，除咗加入LED屏幕外，連背景音樂都變埋，換咗英國管...
詳情
相關新聞
