上年3隊員被DQ 立會足球隊不再多元？
[2017.10.20] 發表
【明報專訊】立法會新一年會期啱啱開鑼，立法會秘書處噚日發通告畀議員，邀請議員加入立法會足球隊。喺每個立法會會期內，秘書處都會籌辦最多3場比賽或者練習。不過，今年嘅立法會足球隊組成應該比去年單調，因為有上年加入足球隊嘅隊員都先後被取消議員資格，包括青年新政梁頌恆、香港眾志羅冠聰，同社民連梁國雄。
舊年嘅立法會足球隊成員分別來自建制派、泛民主派、本土派同自決派，可以話係跨政見足球隊，當中建制派有6個議員代表，泛民主派就有胡志偉同長毛，本土派同自決派就分別有梁頌恆同羅冠聰，獨立醫學界議員陳沛然都有參加。
不過，經歷DQ後，有幾個議員都已經唔喺議會，相信今年嘅足球隊無咁政治多元。𠵱家泛民同建制關係仲要咁僵，唔知仲有無泛民肯加入？
更多港聞
【明報專訊】特首林鄭月娥在《施政報告》中提出中國歷史在2018/19學年成為獨立必修科，教育局長楊潤雄表示，知道部分學校已將中國歷史和世界歷...
詳情
相關新聞
