廠商會會長改選 吳永嘉被投訴收集授權票
[2017.10.11] 發表
【明報專訊】廠商會下月中改選會長，副會長吳宏斌同徐炳光兩名熱門人選嘅競爭白熱化，而前哨戰就係下月初嘅會董選舉，因為會長係由會董以間選形式選出。選舉前夕暗箭橫飛，有廠商會會員近日向立法會議員個人利益監察委員會發信投訴，話被指屬吳宏斌陣營嘅工業界(二)議員吳永嘉(Jimmy)，以議員辦事處資源，透過電郵向會員收集會董選舉授權票，質疑Jimmy「濫用公共資源」，違反議員守則。
吳﹕博連任議員指控屬笑話
呢個名叫孫暉銓嘅會員喺信中提到，廠商會會董選舉結果，會左右Jimmy日後能否連任界別議員，質疑Jimmy呢個「拉票活動」，可能涉及「公職人員以公共資源為選舉鋪路之不當行為」。
Jimmy噚日回覆Emily時反駁，工業界(二)議席屬於廠商會，而會董會係廠商會最高權力架構，佢身為會董關心會董選舉，完全同業界利益有關，至於連任議員之說更加「完全係笑話」，因為界別議員係由會員選出，並非由會董決定。
Jimmy話唔敢講呢次投訴係「抹黑」，但強調選舉應該係君子之爭，如果有人希望以唔合理嘅理由，借助傳媒影響選舉結果，就唔太合適。
更多港聞
【明報專訊】教育大學香港研究學院噚日公布喺今年9月份做嘅「香港特首社交媒體民望數字」調查，當中發現，網民喺各個社交媒體帖文對特首林鄭月娥嘅民...
詳情
早前6個民主派被DQ立法會議員資格，民主派失去咗地區直選組別嘅人數優勢，建制派呢段時間已經蠢蠢欲動，37個議員前日仲聯署要求修改《財委會會議...
詳情
教局發通告列多項要求 教師聘任收緊 涉刑案須通報
【明報專訊】近月有中小學教職員涉性罪行或捲入刑事案件，教育局前日向全港學校發通告要求遵守，更新加強保障學童措施，包括聘任教師時必須採用性罪行... 詳情
【明報專訊】特首林鄭月娥早前提出36億元教育新資源撥款，包括將原屬關愛基金資助的特殊教育統籌主任（SENCO）試驗計劃恆常化。教育局首席助理...
詳情
相關新聞
