土力處製作地質圖 發現超級火山
[2017.10.02] 發表
【明報專訊】全球有50座「超級火山」，香港都有一座，位於東南部糧船灣，不過唔使擔心，呢座火山最後一次爆發已經係1.4億年前，之後變成死火山，現時大部分火山岩已被風化同侵蝕，成為西貢世界級地質公園嘅六角柱石地貌。發展局長黃偉綸就發表網誌，表揚土木工程拓展署轄下土力工程處一班默默耕耘、專責岩土工程工作嘅工程師，令土地運用和開發符合安全同經濟原則。
該處轄下嘅香港地質調查組於1982年成立，主要做詳細地質調查，以製作全港地質圖，其間發現昔日香港係一座超級火山。其中一個幕後精英、土力處高級土力工程師鄧麗君話，政府近年努力透過各種方法釋放土地資源，包括探討開發地下岩洞，去年已完成岩洞總綱圖，鎖定48個選址，話本港城市規劃發展多靠近山邊，發展岩洞係開發土地其中一個方向。
更多港聞
相關新聞
